Back خدمة سرية Arabic Məxfi xidmət Azerbaijani Тайна служба Bulgarian Tajná služba Czech Secret service English Sekreta servo Esperanto Service secret French Geheime tsjinst Frisian שירות חשאי HE Tajna služba Croatian
Zerbitzu sekretua inteligentzia-datuak biltzeaz arduratzen den gobernu agentzia edo inteligentzia-zerbitzua da. Zerbitzu sekretu baten zereginak eta ahalmenak asko alda daitezke herrialde batetik bestera. Adibidez, herrialde batek zerbitzu sekretu bat ezar dezake, polizia-botere batzuk dituena (jagoletza, adibidez), baina ez beste batzuk. Gobernu agentzia hauen botereak eta betebeharrak sekretuak izan daitezke, gutxi batzuk ala denak. Erakundeak etxean eta atzerrian modu irekian jarduten duela esan daiteke, edo alderantziz. Polizia sekretua eta inteligentzia-zerbitzuak zerbitzu sekretutzat har daitezke.
Zenbait estatu eta erregimenek, garai eta toki ezberdinetan, zerbitzu sekretu edo polizia sekretu bezala deskriba daitezkeen gorputzak ezarri zituzten, adibidez, azken Erromatar Inperio Berantiarreko agentes in rebus, batzuetan, hala definitzen ziren. Garai modernoetan, Joseph Fouché polizia ofizial frantziarra, batzuetan, inteligentzia-zerbitzuen aitzindaritzat hartzen dute. Besteak beste, Kontsulatuaren garaian (1799-1804), hainbat informatzaileren sare handi eta estu baten bidez Napoleon hiltzea zenbait aldiz saihestu zuela argudiatzen dute.